(一) 活動名稱：中華傳統節慶—元宵「燈」的來源故事
(二) 主辦機購：香港中華文化發展聯會
(三) 日 期：八月二日（星期三）
(四) 地 點：新城廣播有限公司（九龍紅磡黃埔花園第六期地庫二層）

主題：中華傳統節慶
劇本名稱：元宵「燈」的來源故事
旁白：曾釺雨
老師：王玥瓔
天帝：張子紳
天兵天將/獵人：黎柏言
天帝女兒/老婆婆：呂樂兒

老師：一年一度黃建常紀念學校嘅「聲演故事」比賽終於完結喇，今日活動課好高興邀請到冠軍隊伍再次登場，為我哋講一個有關元宵節嘅故事。每逢元宵節，小朋友除左食甜甜嘅湯圓之外，仲會玩燈籠、放煙花，好好咁慶祝一吓，但呢啲習俗有咩意思呢？
民間就流傳咗一個感人又有趣嘅元宵故事，就係講述咗呢啲習俗嘅由來，而家就讓我哋一齊欣賞同學嘅演出，請同學用熱烈嘅掌聲鼓勵同學出場啦！(掌聲)

旁白：傳說天帝有一隻寵愛嘅神鳥，呢隻美麗嘅神鳥，有一日就因為貪玩而迷路喎，佢漫無目的噤飛來飛去，最後體力無法負荷，終於降落到人間喇。

獵人：(獵人看到牠高興地大叫)哇！我從來無見過依種雀仔，實在太漂亮、太特別吖，我要快啲用弓箭將佢射落嚟先。

旁白：於是，不知情嘅獵人就將神鳥射死咗。天帝知道事件後，就非常生氣。

天帝：太可惡了，真係不知好歹嘅傢伙，竟然將我最心愛嘅神鳥射死，天兵天將聽命！

天兵天將：天帝，請問有何吩咐？

天帝：我命令你哋係正月十五日呢一日去凡間放火，幫我將呢班可惡的人類通通燒死！

旁白：此時，天帝心地善良嘅女兒，聽到之後就非常擔憂。

天帝女兒：哎，我再三懇求父親大人，佢都吾肯改變主意，人類真係無辜吖，我實在吾忍心見老百姓受到呢啲災難，好，等我偷偷噤到凡間，將呢個消息通知大家先。

旁白：天帝嘅女兒就將呢個消息通知老百姓。大家聽左都嚇到吾知點算好喎，你一言我一語，經過一番討論後，有一位年老嘅婆婆就講喇。

老婆婆：我唸到一個辦法，不如我哋就係正月十四、十五、十六日呢三日，每一戶人家係自己屋企掛上紅色燈籠、點爆竹、放煙花，睇落去全地到處都會充滿紅紅嘅火光，天帝的天兵天將就會以為我哋全部都燒死左，反正到處都被大火燃燒，就唔再需下凡放火啦！

天兵天將：大家睇吓，到處都係火光紅紅喎，睇黎都吾駛出動到我哋去懲罰呢班人，真係自作自受，好！我哋收隊，快啲向天帝稟告先。

旁白：就咁樣，天兵天將誤中圈套，以為係熊熊嘅火燄正在燃燒凡間，而天帝又信以為真喎。最後，大家唔單止保住了性命，後來每逢正月十五日，家家戶戶都會懸掛燈籠、放煙火，就係為左紀念呢個特別嘅日子，久而久之就變成了習慣。(掌聲)

老師：多謝同學出色嘅表現。元宵節係春節嘅尾聲，有「小過年」之稱，古人稱夜為「宵」，係一年當中第一個月圓之夜，大地回春嘅夜晚。呢一日家家戶戶張燈結彩、吃湯圓、玩花燈、猜燈謎，小朋友拿住各式燈籠玩遊戲，大家都係歡聲笑語中歡度熱鬧節日。
我今日仲邀請左同學為我地演繹一首有關元宵節日，係閩南地方流傳嘅歌謠—《元宵月正圓》，請大家細心欣賞：(掌聲)

大家：　　鬧元宵，月正圓，閩臺同胞心相依，扶老攜幼返故里，了卻兩岸長
相思。熱淚盈眶啥滋味？久別重逢分外喜！
鬧元宵，煮湯圓，骨肉團聚滿心喜，男女老幼圍桌邊，一家同吃上元丸。搖籃血跡難割離，葉落歸根是正理。(掌聲)

完